MEDIAPRINT ARIA HIDH E PRIT

Aria nuk ka prindër, ka vetëm një vëlla dhe zemrën e saj të madhe plot me dashuri. Për të nuk ka rëndësi nëse jeton në shtëpinë e fëmijës apo jo, mjaft që pranë të ketë Rainin, në mungesë të të cilit nuk merr dot as frymë. Por zonja Marta kërkon ta birësoj Rainin. Atij i pëlqen, motrës së tij, jo! Kështu fillojnë përpjekjet e Arias për të mos lejuar ndarjen nga i vëllai. Një javë në shtëpinë e zonjës Marta dhe zotit Giljan, plot me aventura të paparashikuara, me ngatërresa dhe prapësi, por sidomos me “leksione jete” që zënë fill drejt e në zemrën e Arias që beson se, njeriun duhet ta udhëheqë dashuria. Ashtu sikurse dhe familjen e mban dashuria dhe jo numri i pjesëtarëve të saj. Ky libër është vetëm fillimi i rrugëtimit të Arias çamarroke, plot vitalitet dhe energji pozitive. Një histori për dashurinë pa kushte që buron në zemrën e çdo fëmije! Forcën brenda vetes dhe të vërtetën që thyen barriera dhe kapërcen kufijtë! Ta shohësh botën me sytë e Aria është një buqetë ndjesish! Guximtare dhe kokëfortë por me zemër të madhe, Aria nuk ngurron ta thotë të vërtetën edhe pse, jo gjithnjë i kupton mirë ato që thotë.