LUSTËR PËR NJË PËRRALLË (DITA BOOKS)

Duke kombinuar aventura emocionuese, personazhe të dashur dhe mesazhe edukuese. Përmes tregimeve argëtuese dhe ilustrimeve tërheqëse, fëmijët zhvillojnë kreativitetin, aftësitë e leximit dhe dashurinë për librin. Çdo faqe i fton ata të zbulojnë botë të reja, të mësojnë vlera të rëndësishme dhe të ëndërrojnë pa kufij.

"Lustra-lustra", ka qenë një thirrje e vjetër, kur ende ekzistonte zanati i lustraxhiut, njeriut të shkathët që lustronte e bënte xixë këpucët e kalimtarëve në shkëmbim të pak lekëve. Dhe rrëfenja jonë sillet pikërisht rreth një djaloshi të vogël që, një ditë, vendosi të lustronte këpucë në këmbim... të një përralle. Po, po, e lexuat mirë. Eduardi, që mban emrin e një mbreti, ka një familje kaq të varfër, saqë nuk i blejnë dot as një libër me përralla. Ndaj, vogëlushit me ide gjeniale, i shkrep të kokë të lustrojë këpucë dhe t'i fitojë vetë paratë për të blerë librin.   Dora-dorës që vijnë klientët, burra e gra, të mirë e dinakë, secili prej tyre do t'i dhurojë Eduardit jo vetëm një përrallë të mrekullueshme - një botë plot imagjinatë dhe aventura, ku përzihen kafshë e njerëz, piratë e thesare, dashuria dhe mirësia, mençuria dhe budallallëku - por do të nxjerrë në pah bujarinë dhe zemërgjerësinë e këtij djali ende të vogël, por mbret në shpirt e në mendje.

Autor: Valbona Banka

Shtëpia Botuese: Dita Books

Numri i faqeve: 152 faqe

Grupmosha: mbi 7-12 vjeç