Albas Gjyshja në pemën e mollës

Andi është i mërzitur sepse, ndryshe nga shokët e klasës, nuk ka një gjyshe. Papritur ai bëhet me dy gjyshe. Njëra rri fshehur në pemën e mollës dhe ka një makinë bojëqielli me butona çudibërëse. Së bashku ata nisen drejt aventurave gjithnjë e më emocionuese: argëtohen në parkun e lojërave, shkojnë në stepën mbresëlënëse e mandej lundrojnë në detin e stuhishëm drejt Indisë. Ndërsa gjyshja e dytë është fqinja e re, për të cilën Andi mund të kujdeset. Tanimë ai e ndien veten me fat, pasi njërës gjyshe mund t’i tregojë për gjyshen imagjinare.