MEDIAPRINT DOLLIA

Kush e shpiku për herë të parë dollinë? Askush  nuk mund të jap një përgjigje se kur dhe ku. Një  gjë është e sigurt se autori i saj mund të ketë qenë  një skraparli, një përmetar, një mokrar, një lab, një  mallakastriot, një piluriot, një himariot a ndonjë  kolonjar. Ajo lindi, u latua dhe e pasurua në sofrat  e këtyre trevave. Dollia është nga ato vlera të traditës që e lartësojnë  një komb dhe që përbëjnë pa asnjë mëdyshje kode  dhe informacione shpirtërore me të cilat zbulon  dhe kupton më mirë jetën dhe shoqërinë dje dhe  sot. Ajo është pjesë e etnokulturës dhe identitetit  tonë kombëtar.  E veçanta e kodit të dollisë është se ai përbën një  vlerë unikale të shqiptarëve të cilin nuk e gjen  askund tjetër. Dhe vlerat nuk duhet të vdesin. Kur  ato shkruhen bëhen të pavdekshme dhe arkivohen  për t’u ruajtur përjetësisht. E nëse kjo vlerë është  unikale për shqiptarët, pse mos të përfshihet edhe  në pasurinë ndërkombëtare të Uneskos?

Grupmosha: mbi 18 vjeç.